ژیاننامە و نامەكانی شەهیدی سەركردە، شەهید”ڤیان جاف” لەسۆرانیەوە كرایە هەورامی.

ناوەندی راگەیاندن و چاپەمەنی پەژاك، ژیاننامە و نامەكانی شەهید”ڤیان  جاف”ی بەشێوە زاری كوردی”هەورامی” وەرگێڕ كردوە.

شەهیدی  فەرماندە”ڤیان جاف” ساڵی 1981 لەشاری سلێمانی لەدایكبووە و ساڵی 1997 بەشداری رێزەكانی بزوتنەوەی ئازادیخوازی گەلی  كوردستان”پەكەكە” بووە. ساڵی 1998 بەشداری كۆنفرانسی باشور دەبێت و ساڵی 2000 لەچیاكانی قەندیل بەشداری  كۆنفرانسی رۆژهەڵاتی ناوین دەبێت. ساڵی 2002 بەشداری یەكەم كۆنگرەی پەچەدەكە”پارتی چارەسەری دیموكراتی كوردستان”دەبێ و دەبێتە ئەندامی دەستەی كارگێڕی و لەچوارەمین كۆنگرەی پارتی ژنی ئازاد”پەژەئا” دەبیتە  ئەندامی ئەنجوومەن و  لە ساڵی 2003یشدا بەشداری كۆنگرەی گەل دەبێت.

شەهید ڤیان جاف لەلایەن  رێبەر ئاپۆەوە وەك  ئەندامێكی دەستەی دامەزرێنەری لەسەرنوێ بۆنیادنانەوەی پەكەكە ئەركدار دەكرێت و دوابەدوای  سەرلەنوێ بۆنیادنانەوەی پەكەكە دەچێتە وەك فەرماندەیەكی خۆنەویست دەچێتەوە  ناو هێزەكانی پاراستنی گەل و دەبێتە فەرماندەیەكی  لێهاتووی یەژئا  ـ ستار لەحەفتانین و ساڵی 2006 لەبەرامبەر بە پیلانگێڕی  نێونەتەوەیی”15ی شوباتی 1999″ و بەئامانجی شەرمەزاركردنی ئەو پیلانگێڕیە لەچالاكیەكی  گیانبازیدا دەگاتە پلەی بەرزی شەهادەت.

خوێنەرانی هێژا بۆ دانلود كردنی ژیاننامە و نامەكانی شەهیدی فەرماندە”ڤیان جاف” دەتوانن سەردانی  ماڵپەڕی”PJAK.EU” بكەن.