ژمارەی 31هەمینی گۆڤاری ئاڵتەرناتیو لەساڵی چواردەیەم، خولی سێیەم ئۆرگانی فەرمی پەژاک چاپ و بڵاوكرایەوە. لەم ژمارەیەی گۆڤاری ئاڵتەرناتیودا تیشك خراوەتە سەر سێ تەوەری سەرەكی لەوانە:
یەكەم؛ تێكۆشانی ژنان كە لە ئێستادا شۆڕشی ژن ژیان ئازادی كە بڵێسەكەی لەهەڵكشانە، گەشتر دەبێت و رۆژانە ژنان و گەنجان بە رێبازی دەوڵەمەند و سەردەمیانە و رادیكاڵ لە بەرامبەر رژێم كۆنەپارێز و چەقبەستووی ئێران دەوەستنەوە و لە ئان و ساتی نزیكبوونەوەی رۆژی رۆژی جیهانی بەرەنگاربونەوەی توندوتیژی سەر ژنان، دەبێتە هەموو گۆڕەپانەكانی ژیان بكەینە بەرخۆدان و تێكۆشان لەبەرامبەر بەزیهنیەتی دەسەڵاتداریەتی پیاوسالار و دیكتاتۆر و لەدەوری كەمپینی نابۆ سێدارە و بەڵی بۆ ژیانی ئازادی گۆڕ بەخەباتی ئازادیخوازانە و دیموكراسیانە بدەین و هەموو رۆژ و هەموو ساتێك بكەینە رۆژی بەرەنگاربوونەوەی زیهنیەتی پیاوسالاری و بۆنیادنانی كۆمەڵگەیەكی ئازاد و یەكسان.
دوەم؛ لەهەمان چوارچێوەدا، لەدووهەمین ساڵیادی هەڵمەتی ئازادی جەستەیی رێبەر ئاپۆ و چارەسەری پرسی كوردا ئەرك و بەرپرسیاری دەكەوێتە سەر شانی ئازادیخوازان و ئاكادیمسین و رووناكبیران و بەتایبەتی ژنان و وگەنجان. سەرخستنی هەڵمەتی ئازادی جەستەیی رێبەر ئاپۆ دەبێتە هەوێنی دیهێنانی ئێرانێكی كۆنفیدراڵ و دیموكراتیك.
سێیەم؛ لەتەورێكی تری ئاڵتەرناتیڤدا ئاماژە بە خاوەنداریكردن لەشەهیدان كراوە و خاوەنداری كردن لەشەهیدان بنەمای بۆنیادنانی ژیانێكی ئازادە و شەهیدان بەخوێنی خۆیان داری ئازادیان ئاو داوە و بوونەتە بنەمایەك لە فەلسەفەی ژن، ژیان، ئازادی دا.
گۆڤاری ئاڵتەرناتیو ئەم ژمارەیەی خۆی پێشكەشی شەهیدی هەمیشە لە دڵ و یاد هەڤاڵ شۆڕش قەڵات دەكات.
خوێنەرانی هێژا و خۆشەویست دەتوانن بۆ وەرگرتنی فایلی نوێی ژمارەی 31 گۆڤاری ئاڵتەرناتیو سەردانی ماڵپەڕی پارتی ژیانی ئازادی كوردستان “پەژاك” PJAK.NET بكەن